eMoney

eBooks

Songs sample

Saturday, July 27, 2019 /

IT Quiz Box Sample

Saturday, May 25, 2019 /

My Quiz

Get your exam here

  1. Who is the owner of Google

  2. Mark
    Larry
    Bill
    Jack

  3. Father of computer?

  4. Ada Ogasta
    Herman Hollerith
    Charles Babbage
    Joshep

  5. Owner of Facebook?

  6. Mark
    Bill
    Larry
    Jack

thanks

Computer Hardware Quiz English

Wednesday, March 13, 2019 /
පරිඝනක දෘඩාංග ප්‍රශ්නාවලිය ඔබත් උත්සාහ කර බලන්න.

සමුගන්නට අවසරයි Google+

Monday, February 4, 2019 /
අද වනවිට සමාජ ජාල වෙබ් අඩවි කියන්නේ අපි හැමෝම අපගේ විවේක කාලය ගත කරන්න භාවිතා කරන මෙවලමක් බවට පත්වෙලා. සමාජ ජාල වෙබ් අඩවි කිව්වම ගොඩක් අය දන්නේ Facebook Instagram සහ Twitter කියන නම් කිහිපයයි. ඒ වගේම Google plus, එහෙමත් නැතිනම් Google+ කියලා හඳුන්වන සමාජ ජාල වෙබ් අඩවියකුත් තිබෙනවා කියලා සමහරවිට ඔබ දන්නවා ඇති. අහලා හරි ඇති. ඒත් ඔබ මේ Google+ භාවිතා කරලා තියේද? ෆේස්බුක් එකට වගේ නිතර log වෙලා ෆොටෝස් දාලා යාළුවො එක්ක chat කරලා තියෙනවද? නෑ නේද? අන්තිමට Google+ එකට ගියේ කවද්ද කියලවත් මතකද? ඒත් නෑ නේද?


ඔව් එහෙම තමයි. අපි ගොඩක් අය අඩුවෙන්ම භාවිතා කරන, එහෙමත් නැතිනම් භාවිතා කරන්නෙම නැති සමාජ ජාල වෙබ් අඩවියක් තමයි Google+ කියලා කියන්නේ. ශ්‍රී ලංකාවේ ඉන්න අපි විතරක් නෙවෙයි ලෝකේ බොහෝ රටවල අඩුවෙන්ම භාවිතා කරන සමාජ ජාල වෙබ් අඩවියක් බවට මේ Google+ පත්වෙලා ඉවරයි. ඉතින් ඒ නිසාම Google+ කියන සමාජ ජාල වෙබ් අඩවිය වහලා දාන්න මෙහි හිමිකාරීත්වය දරන Google සමාගම තීරනය කරලා තියනවා. මේ තීරණය ඔවුන් අද ඊයේ ගත්ත එකක් නම් නෙවෙයි. ඔවුන් Google+ වහන්න සිදුවේවි කියලා ඉඟි පළකලේ 2018 ඔක්තෝබර් මාසයේදීයි.

Google කියන්නේ වසර ගණනක් මුළුල්ලේ ලොවපුරා විවිධ තොරතුරු තාක්ෂණික නිර්මාණ, මෙවලම් සහ සේවා සකසමින් සිටින ආයතනයක්. සමාජ ජාල වෙබ් අඩවි වල ජනප්‍රියතාවය නිසා ඔවුනුත් කල්පනා කරා Google නාමය යටතේ සමාජ ජාල වෙබ් අඩවියක් පටන් ගන්න. වරක් Google සමාගම ෆේස්බුක් සමාගම මිළට ගන්න උත්සාහ කලත් එය සාර්ථක වුනේ නැහැ. මේ නිසා ඔවුන් ඔවුන්ගේම නමක් යටතේ Google+ කියලා සමාජ ජාල වෙබ් අඩවියක් නිර්මාණය කරා. මෙහි ප්‍රතිඵලයක් ලෙස තමයි 2011 දී Google සමාගම විසින් Google+ ආරම්භ කරනු ලැබුවේ එකල ජනප්‍රිය වෙමින් පැවතුන ෆේස්බුක් සහ ට්විටර් සේවා වලට අභියෝගයක් දීමට.

Google කිව්වම අපි හැමෝටම මතක් වෙන්නේ Google සෙවුම් යන්ත්‍රය සහ Gmail සේවාවයි. ලොව පුරා බොහෝ දෙනෙක් තාම email සේවාව ගන්නේ Google හරහා. ඉතින් මෙසේ Gmail එකක් සාදාගන්නා ඕනෑම කෙනෙකුට ඉතා පහසුවෙන් Google+ සේවාව ලබාගත හැකි වන අයුරින් Google සමාගම කටයුතු සකස් කරා. ආරම්භක යුගයේ තරමක් ජනප්‍රිය වුනත් පසුකාලීනව මෙම Google+ සේවාව ෆේස්බුක් තරම් ප්‍රසිද්ධ සහ ජනප්‍රිය වුනේ නැහැ.

කෙසේ නමුත් අවුරුදු කිහිපයක් මුළුල්ලේ Google+ සේවාව ඇදගෙන ඒමට Google කටයුතු සිදුකලත් ගිය අවුරුද්දේ, ඒ කියන්නේ 2018 මාර්තු මාසයේදී Google+ හි සිදුවූ දත්ත කාන්දු වීමකින් Google+ පරිශීලකයින් ලක්ෂ පහකගේ (500,000) පමණ නම්,ලිපින,දුරකථන අංක ආදී සංවේදී දත්ත වෙනත් පාර්ශවයන් අතට ගියා. මේ පිළිබඳව මුල් වරට හෙළිදරවු කරන ලද්දේ The Wall Street Journal පුවත්පත විසිනුයි. නමුත් Google සමාගම මෙම චෝදනාව ප්‍රතික්ෂේප කළේ එසේ දත්ත කාන්දුවීමක් වී කිසිවෙකුගේ පුද්ගලිකතත්වයට හානි නොවූ බවයි.

අවාසනාවට වගේ Google සමාගමට නැවත මුහුණ දීමට සිදුවුයේ තවත් අකරතැබ්බයකටයි. ඒ 2018 වසරේදීම නැවත වරක් මෘදුකාංග යාවත්කාලීන කිරීමකදී Google+ පරිශීලකයින් මිලියන 52ක email ලිපින,මුරපද ආදී සංවේදී දත්ත රාශියක් තුන්වන පාර්ශවයන් අතට පත්වීමයි. මෙම සිදුවීමෙන් නම් Google සමාගමට ලොකු නරක නාමයක් අත්වුනා තමන්ගේ පරිශීලකයින්ගේ පුද්ගලිකත්වයට හානි සිදුවෙන ලෙස කටයුතු කළා කියලා. ඉතින් මෙන්න මේ ප්‍රධාන හේතුව නිසා Google සමාගම තීරණය කළේ Google+ සේවාව නවතා දැමීමටයි.



හැබැයි මේ ආරක්ෂන කටයුතු වල දුර්වලතාවය පමණක්ම නෙවෙයි Google+ වහන්න හේතු වුනේ. කලින් සඳහන් කල විදියට අඩු පරිශීලක ආකර්ෂණය සහ භාවිතයත් මීට හේතු සාධක වුනා. 2015 දී ලෝකප්‍රකට ෆොර්බ්ස් සඟරාව කල සමීක්ෂණයකින් හෙළිවුණේ Google+ හි ගිණුම් මිලියන 111ක් තිබුනද ඉන් මිලියන 6.7 ක් තරම් සුළු ප්‍රමාණයකට පමණයි පොස්ට් 50ක් වත් අන්තර්ගත වෙලා තියෙන්නේ කියලා. නමුත් ඒ වනවිට ෆේස්බුක් හි දිනකට බිලියන 1.5 ක ක්‍රියාකාරී සාමාජික සංඛ්‍යාවක් සිටියා. ඉතින් මෙවැනි පසුබිමක තමයි Google සමාගම 2018 වසරේදී තීරණය කරන්නේ Google+ සේවාව නවතා දමනවා කියල. ඔවුන් මේ පිළිබඳව නිල වශයෙන් දැනුම් දුන්නේ 2019 පෙබරවාරි 01 දායි.

එම දැනුම් දීමට අනුව 2019 පෙබරවාරි 04 සිට නව Google+ ගිණුම් නිර්මාණය කරන්න බැහැ. එමෙන්ම දැනට පවතින සියලුම Google+ ගිණුම් ද 2019 අප්‍රේල් 02 දා සිට වසා දමා Google+ සේවාව සම්පූර්ණයෙන්ම අත්හිටුවා දමනවා. Google සමාගම දැනුම් දෙන්නේ ඊට පෙර ඔබගේ Google+ ගිණුමේ ඇති වැදගත් දත්ත බාගත කරගන්නා ලෙසයි. තවද ඔබ Google+ හරහා වෙනත් වෙබ් අඩවි වල ලියාපදිංචි වී ඇත්නම් ඒවාද වෙනස් කරගන්නා ලෙසයි.

නමුත් Google+ සේවාව නැවතුනාට ඔබගේ Gmail ගිණුම හෝ Google Photos හි තිබෙන පින්තූර වලට හානියක් සිදුවන්නේ නැහැ. ඔබත් Google+ සේවාව ලබාගෙන තිබේ නම් දැන්ම ඔබගේ ගිණුමේ ඇති වටිනා දත්ත වහාම save කරගන්න.

පහත ලින්ක් භාවිතා කිරීමෙන් ඔබටත් ඔබගේ Google+ ගිණුමේ විස්තර දැනගැනීමට සහ ඒවායේ අඩංගු වැදගත් දෑ save කරගැනීමට හැකිය.

https://support.google.com/plus/answer/1045788
https://support.google.com/plus/answer/9217723#signin
https://plus.google.com/

අවසාන වශයෙන් අපිට මෙම සිදුවීම සමඟ කිව යුතු දෙයක් තිබෙනවා. ඒ තමයි කොතරම් බලවත් වුනත් ජනප්‍රිය වුනත් වැඩක් නැහැ ඒ වටා සිටින පිරිස, එහෙමත් නැති නම් පරිශීලකයින් සංඛ්‍යාව සහ ඔවුන් ඊට දක්වන ලැදියාව අනුව තමයි යම් දෙයක වටිනාකම සහ පැවැත්ම රඳා පවතින්නේ. කෙසේ හෝ අවසානයේ Google+ ටත් සිදුවූයේ තාම ජීවන ගමන නවතා ඉතිහාසයට එකතු වීමටයි.


Windows deactivate වෙලාද? මෙන්න active කරගන්න විදිය

Thursday, June 21, 2018 /
Windows මෙහෙයුම් පද්ධති භාවිතා කරන ගොඩක් අයට එන ප්‍රශ්නයක් තමයි කාලයක් භාවිතා කරද්දී Windows අක්‍රීය වෙලා කියලා පෙන්වන එක.


ඒ කියන්නේ අපේ Windows මෙහෙයුම් පද්ධතිය Original නෙවෙයි කියන එකයි. මෙහෙම වෙන්නේ ගොඩක් වෙලාවට අපි පරිඝනකය අන්තර්ජාලයට සම්බන්ධ කරලා වැඩ කරද්දියි. Windows වල අයිතිකාරයා වෙන Microsoft සමාගමට දැනගන්න පුළුවන් අපේ පරිඝනකයේ තියෙන Windows ඇත්තද බොරුද කියලා දැනගන්න. බොරු එකක් නම් තමයි අපිට Desktop එකේ දකුණු පස පහල තීරුවේ message එකක් පෙන්වන්නේ Windows activate කරගන්න කියල.


Windows මෙහෙයුම් පද්ධතිය විතරක් නෙවෙයි Microsoft Office මෘදුකාංග කට්ටලයත් Original නෙවෙයි නම් එයත් activate කරන්න කියලා නිරූපණය කරනවා.


ඉතින් මේ ප්‍රශ්න වලට විසඳුමක් තමයි අපි මේ කියන්න හදන්නේ. ඔයාලට අපි දෙනවා ඉතා කුඩා මෘදුකාංගයක්.මෙය ඔබට නොමිලේම බාගත කරගන්න පුළුවන්. එහි තිබෙන KMSAuto කියන file එක run කරන්න. එවිට පහත ආකාරයට Window එකක් open වේවි.


ඉන්පසුව ඔබට අවශ්‍ය නම් Windows හෝ Microsoft Office Activate කරගන්න පුළුවන්.


මොනවද මේ VPN ?

Monday, March 12, 2018 /
අපේ රටේ ඇතිවුණු කලබලත් සමඟ රජය ගත්ත තීරණයක් තමයි facebook,viber,whatsapp වගේ සමාජ ජාල සහ අන්තර්ජාල කෙටි පණිවිඩ සේවා තහනම් කරපු එක. මේක බොහෝ දෙනාගේ විවේචනයට ලක් වුනා මානව හිමිකම් උල්ලංඝනය කරනවා කියලා. කොහොම නමුත් මේ facebook,viber,whatsapp වලට පිවිසීම රජය විසින් block කරත් අපේ රට අය නම් විශේෂ ක්‍රමයකින් මේවා භාවිතා කරන්න පටන් ගත්තා සුපුරුදු විදියටම. මොකක්ද මේ අමුතු අලුත් ක්‍රමය? ඒකට කියන්නේ VPN කියලා..මොකක්ද මේ VPN කියන්නේ?



මේ VPN ක්‍රමය අපේ රටට අලුත් විශේෂ ක්‍රමයක් වුනාට වෙනත් රටවල මේ ක්‍රමය භාවිතා කරනවා ඔවුන්ගේ රට තුල block කරන ලද වෙබ් අඩවි වලට පිවිසීම සඳහා. ගොඩක් වෙලාවට torrent වෙබ් අඩවි වලට පිවිසීමේදී , නීත්‍යානුකූල නොවන දේවල් download කිරීමේදී මෙම VPN ක්‍රමය භාවිතා කරනවා පරිශීලකයින්ගේ ආරක්ෂාවට. මොකද අන්තර්ජාලය හරහා කතෘ හිමිකම් උල්ලංඝනය කරමින් නීති විරෝධී ලෙස චිත්‍රපටි මෘදුකාංග ආදිය download කිරීම වරදක් නිසා ඒවා කරන අය සොයා අල්ලාගන්න හැකියාව තිබෙනවා.එම හැකියාව ලැබෙන්නේ IP ලිපිනය හරහායි. ඉතින් තමන් අන්තර්ජාලයට පිවිසෙන නියම IP ලිපිනය Hide (සඟවා) කර වෙනත් ලිපිනයකින් යාමයි මේ සිද්ධ කරන්නේ.

ඉතින් අපේ කට්ටිය මේ දවස් වල facebook,viber,whatsapp වලට පිවිසෙන්න භාවිතා කරන්නෙත් මේ විදියට තමන්ගේ IP ලිපිනය වෙනස් කර වෙනත් රටක IP ලිපිනයකින් යාමයි. ශ්‍රී ලංකාව තුල සිදු වුන ප්‍රශ්නත් සමඟ facebook,viber,whatsapp තහනම් කරේ ශ්‍රී ලංකාවේ අන්තර්ජාල සේවා සම්පාදකයින් (Internet Service Providers) හරහා අදාළ වෙබ් අඩවි වලට පිවිසීම වැලැක්වීමයි. එහිදී ISP සමාගම් ඔවුන්ගේ IP ලිපින වලින් මෙම වෙබ් අඩවි වලට යාම තහනම් කර තිබෙනවා. ඉතින් අපි මේ අපි VPN භාවිතා කර සිදු කරන්නේ අපේ රට IP ලිපින වෙනස් කර වෙනත් රටක Server එකක් හරහා යාමයි.

මොකක්ද මේ VPN කියන්නේ? මෙහි අර්ථය Virtual Private Network යන්නයි. මේ ක්‍රමය අද ඊයේ ආරම්භ වුන දෙයක් නෙවෙයි.ගොඩක් කල් ඉදන් භාවිතා වන ක්‍රමයක්. පුද්ගලික සහ පොදු ජාල භාවිතා කරනවිට මෙම VPN තාක්ෂණය අපිට භාවිතා කරන්න පුළුවන් අන්තර්ජාලයට පිවිසීමට. එනම් ඔබට අන්තර්ජාලයට පිවිසීමට ආරක්‍ෂිත උමගක් (Secured Tunnel) ලෙස VPN හැඳින්විය හැකිය.

ඔබ පොදු WiFi කලාපයකින් අන්තර්ජාල පහසුකම් ලබාගන්නවා නම් ගොඩක් ප්‍රවේසම් විය යුතුයි. මොකද පොදු WiFi වලින් බොහෝවිට hack කිරීම් සිදුකල හැකි නිසා. එවිට ඔබේ username,password සහ credit card අංක වගේ සංවේදී දත්ත පහසුවෙන් වෙනත් කෙනෙකුගේ අතට යන්න පුළුවන්. එසේ වීම වැලක්වීමට ඔබට VPN ක්‍රමය යොදාගන්න පුළුවන්.


එමෙන්ම අපි කලින් කිව්වා වගේම torrent වගේ වෙබ් අඩවි වලින් චිත්‍රපටි සහ මෘදුකාංග download කිරීමේදී මෙම VPN භාවිතා කරන්න පුළුවන්. මොකද එවැනි භාගතකිරීමක් නීති විරෝධී නම් ඔබව IP ලිපිනය හරහා අල්ලාගන්න පුළුවන් නිසා.

VPN වල ආරක්‍ෂිත ක්‍රම අනුව ප්‍රධාන කාණ්ඩ තුනක් ගැන සඳහන් කරන්න පුළුවන්.

  1. PPTP - මෙය ඉතාම පැරණි ක්‍රමය වන අතර Windows 95 මෙහෙයුම් පද්ධති වල සිට ඕනෑම මෙහෙයුම් පද්ධතියක ඇති කරන්න පුළුවන් VPN තාක්ෂණයයි.
  2. L2TP - දැනට පවතින ඉතාම ආරක්‍ෂිත ක්‍රමය වන්නේ මෙයයි.
  3. Open VPN - Open Source ක්‍රමවේද භාවිතා කරමින් ක්‍රියාත්මක වන තාක්ෂණය ලෙස මෙය හැඳින්වේ.
VPN භාවිතයෙන් ඔබට ලබාගත හැකි වාසි -

* ඔබගේ අනන්‍යතාවය සහ පුද්ගලිකත්වය ඉතා හොඳින් ආරක්ෂා කරගත හැකිය.එවිට ඔබගේ ISP ටත් නොදැනීම ඕනෑම වෙබ් අඩවියකට ඕනෑම අවස්තාවක සම්බන්ධ විය හැකිය.
* ඔබගේ ආරක්ෂාව උපරිමය. ඔබට ඔබගේ සංවේදී දත්ත ඕනෑම වෙබ් අඩවියකට බයක් සැකක් නැතුව ලබාදිය හැකිය. එම දත්ත වෙනත් කෙනෙකුට සොරකම් කිරීමේ හැකියාවක් නැත.
* ඔබට අවහිර කර ඇති ඕනෑම වෙබ් අඩවියකට පිවිසිය හැකිය.
* ඔබ අන්තර්ජාලයේ සොයන දේවල් පිළිබඳව සෙවුම් යන්ත්‍ර වලින් වසන් කල හැකිය.එවිට ඔබට කරදරකාරී සහ වංචාකාරී වෙළඳ දැන්වීම් වලින් තොරව පහසුවෙන් අන්තර්ජාලය පරිහරණය කල හැකිය.
* රටේ ආණ්ඩුවට හෝ අන්තර්ජාල සේවා සම්පාදකයාට ඔබව නීතියේ රැහැනට කොටු කරගත නොහැකිය.


VPN සේවා ලබාදෙන සමාගම් රැසක් ඉන්නවා. ඔවුන් සතුව ලොව පුරා විහිදී පැතිරුණු server රැසක් ඇති නිසා ඔබට අවශ්‍ය මොහොතක විවිධ server හරහා ඔබගේ IP ලිපින ස්වයංක්‍රීයව වෙනස් කරමින් අන්තර්ජාලය භාවිතා කරන්න පුළුවන්. ඔබට අවශ්‍ය වන්නේ කැමති VPN සේවාවක් තෝරාගෙන ගිණුමක් නිර්මාණය කිරීමයි. දුරකථන හරහා සිදුකරන්නේ නම් ඔබට ඔවුන්ගේ app එක ලබාගන්න පුළුවන්.පසුව මාසිකව හෝ අවුරුදු පතා ඔවුන්ට ඉතා සුළු ගෙවීමක් කර ඔබට අවශ්‍ය සේවාවන් තෝරාගෙන VPN භාවිතා කල හැකිය.

VPN Service Providers -



1. ExpressVPN

2. TunnelBear

3. hide.me

4. Betternet

5. Windscribe

6. GooseVPN

7. ProtonVPN


Facebook භාවිතා කරන ඔබ නොකළ යුතු දේවල්

Thursday, March 1, 2018 /
Facebook කියන්නේ අපි හැමෝම අද කාලේ භාවිතා කරන සමාජ ජාල වෙබ් අඩවියක්. 2004 දී ආරම්භ වුන මෙය දැන් ලොව පුරා මිලියන ගණනක් පුද්ගලයින් භාවිතා කරන මෙවලමක් බවට පත්වෙලා හමාරයි. මෙහි ඇති ජනප්‍රියතාවය නිසාම බොහෝ දෙනා අඩු වයසින් පවා Facebook එකට සම්බන්ධ වෙනවා. මිතුරන් හඳුනා ගැනීමට, දැනුම බෙදා ගැනීමට මෙන්ම ව්‍යාපාරික කටයුතු සඳහා ද භාවිතා කල හැකි Facebook හොඳට මෙන්ම නරකටද බලපාන්න පුළුවන්. බොහෝ විට එවැනි කරදර ප්‍රශ්න ඇති වන්නේ Facebook වල ඇති වරදක් නිසා නොව එය භාවිතා කරන අයගේ ඇති නොසැලකිල්ල සහ Facebook ගැන අවබෝධය සහ දැනුම අඩුකම නිසයි.


ඉතින් අපි මේ කියන්න යන්නේ ඔබ Facebook භාවිතා කරනවා නම් ඔබගේ සහ ඔබගේ සමීපතයන්ගේ ආරක්ෂාවට කල යුතු දේවල් කිහිපයක් ගැනයි. බලන්න ඔබත් මේවා කරලා තියෙනවද කියල ? එහෙම නැත්තන් මේ දේවල් කරලා Facebook තුල ඔබේ ආරක්ෂාව තහවුරු කරගන්න.

1. අනවශ්‍ය ලෙස ඔබේ ඡායාරූප එකතු කරන්න එපා.

ඔබ ගැහැණු ළමයෙක් නම් Facebook එකට අනවශ්‍ය ලෙස ඔබේ පින්තූර එකතු කරන්න එපා. බොහෝ අය පුරුදු වෙලා ඉන්නවා ගමනක් ගියත්,කෑමක් කෑවත්,නිදාගෙන නැගිට්ටත්,අලුත් ඇඳුමක් ඇන්දත් ෆොටෝ එකක් අරගෙන Facebook දාන්න. එය එච්චර හොද දෙයක් නෙවේ. මොකද ඔබේ තරහකරුවෙක්ට පුළුවන් එම ෆොටෝ අරන් විකෘති කරලා Facebook හෝ අන්තර්ජාලයට දාන්න. විශේෂයෙන්ම තනි තනි ෆොටෝ දැමීමෙන් ඔබට විය හැකි හානිය වැඩි අතර ඔබ තවත් අය සමඟ කණ්ඩායම් වශයෙන් සිටින ෆොටෝ දැමීමෙන් ඒවා වෙනස් කරන්න විකෘති කරන්න තියෙන හැකියාව අඩුයි.

2. ඔබේ පුද්ගලික තොරතුරු සැමටම දැකිය හැකි ලෙස දමන්න එපා.

Facebook එකට ඔබේ සම්පූර්ණ නම, දුරකථන අංකය, නිවසේ ලිපිනය, පවුලේ අයගේ විස්තර, ඔබගේ සම්බන්ධතා ගැන දාන්න පුළුවන්. හැබැයි එම විස්තර Public ආකාරයෙන් නොයොදා ඔබගේ මිතුරන්ට පමණක් දැකිය හැකි ලෙස සකස් කරන්න.

3. ඔබ ඉදිරියේදී කරන්න සිටින දේවල් පිළිබඳ කරුණු ඇතුලත් කරන්න එපා.

බොහෝ අය Facebook එකේදී කරන දෙයක් තමයි තමන් හෙට,අනිද්දා එහෙමත් නැත්තන් ලබන සතියේ ලබන මාසේ කරන්න ඉන්න දේවල්, යන්න ඉන්න ගමන් බිමන් ගැන සඳහන් කරලා දාන එක. එවැනි දේවල් යෙදීමෙන් ඔබගේ තරහකාරයෙක්ට පුළුවන් ඔබට විරුද්ධව කිසියම් දෙයක් කරන්න.
උදාහරණයක් වශයෙන් ඔබ ලබන මාසේ පිටරට සවාරියක් යන්න සූදානම් වී ඉන්නවා නම් ඒ ගැන පොදුවේ Facebook එකේ දැනගන්න දාන්න එපා. මොකද ඔබේ තරහාකාරයෙක්ට හෝ ඉරිසියාකාරයෙක්ට පුළුවන් ඔබට විරුද්ධව පොලිසියේ පැමිණිල්ලක් කරන්න බොරුවට හරි. එවැනි දෙයකට ඔබ පැටලුනොත් ඔබට ලංකාවෙන් පිට යන්න ලැබෙන්නේ නැහැ.

4. ඔබේ සැමියාගේ/බිරිඳගේ/දරුවන්ගේ පින්තූර දමන්න එපා.

ගොඩක් අය කරන දෙයක් තමයි තම පවුලේ අයගේ පින්තූර Facebook එකට දැමීම. එය දැමීම ප්‍රශ්නයක් නොවේ. නමුත් එමඟින් පවා කෙනෙක්ට පුළුවන් ඔබට හානියක් කරන්න. ඔබේ පවුලේ සතුට සමගිය නැති කරලා දාන්න !

5. නිවැරදි නොවන පොස්ට් දැමීම හෝ හුවමාරු කිරීම කරන්න එපා.

Facebook එකට එන හැමදෙනාම තම නිවැරදි Facebook ගිණුම් භාවිතා කර එන්නේ නැහැ. සමහර අය ව්‍යාජ (fake) Facebook ගිණුම් භාවිතා කර විවිධ කළහකාරී වැරදි පුවත් සහ post Facebook එකට යොදනවා. ඔබත් එවැනි හරියටම නොදන්නා තහවුරු කර ගත්තේ නැති දේවල් share කිරීමෙන් වලකින්න. මොකද එකෙන් ඔබට අනිත් අයගේ දෝෂාරෝපණයට ලක් වෙන්න පුළුවන්.

6. නොදන්නා අයව මිතුරන් කරගන්න එපා.

Facebook භාවිතා කරන සමහර අය විවිධ වැරදි අරමුණු සඳහා කටයුතු කරනවා. එවැනි අය බලනවා අනිත් පුද්ගලයිනවා මිතුරු කරගන්න. එසේ ඔබට ලැබෙන මිතුරු යෝජනා (Friend Request) අනුමත (Accept) කරන්න එපා. සෑම විටම ඔබ හොඳින්ම දන්නා අය පමණක් මිතුරන් කරගන්න.

7. අසභ්‍ය පින්තූර සහ වීඩියෝ යොදන්න / හුවමාරු කරන්න එපා.

බොහෝ අය මේ දේ තම Facebook ගිණුම හරහා නොකරත් සමහරවිට චැට් කිරීමේදී කරන්න පුළුවන්. වැඩිහිටියන්ට පමණක් වන දර්ශන වගේ දේවල් Facebook තුල භාවිතා කිරීම සපුරා තහනම්. එවැනි දේවල් ඔබගේ Facebook ගිණුම හරහා හුවමාරු වීමෙන් ඔබගේ චරිතයට හානියක් වෙන්න පුළුවන් වගේම Facebook එකෙන් ඔබව ඉවත් වීමටත් හේතු විය හැකිය.

8. ඔබ මිතුරන් සමඟ කරන විනෝදජනක දේවල් වල පින්තූර යොදන්න එපා.

ඔබ යාළුවන් සමඟ විනෝද චාරිකා ගොස් හෝ සාද වලදී ගන්න කන බොන නටන ෆොටෝස් Facebook එකට දාන්න එපා. එවිට ඔබ ගැන සොයා බලන අයට, ඔබව ආශ්‍රය කරන අය අතර ඔබගේ චරිතය හානි වෙන්න පුළුවන්.

9. දුරකතනයෙන් App එක හරහා Facebook භාවිතා කරන්න එපා.

බොහෝ අය අද පුරුදු වෙලා ඉන්නේ තම ස්මාර්ට් දුරකතනයෙන් Facebook භාවිතා කරන්නයි. ඒ සඳහා ගොඩක් වෙලාවට Facebook App එක යොදාගන්නවා. එමඟින් එක් වරක් සම්බන්ධ වූ පසුව ඔබට නැවත නැවත username සහ password යොදමින් log වෙන්න අවශ්‍ය නැහැ. ඉතා පහසුවෙන් ඔබට app එක click කිරීම හරහා Facebook භාවිතා කරන්න පුළුවන්. නමුත් නිකන්වත් සිතුවාද හදිස්සියේවත් ඔබගේ අතින් දුරකථනය නැති වුවහොත් ඔබගේ සියලුම පුද්ගලික තොරතුරු සහ ෆොටෝස් අන් කෙනෙක් අතට පහසුවෙන්ම යන බව ?

10. ඔබේ සිතේ ඇතිවන සියලු දේ ගැන පවසන්න එපා.

ඔබට දුකක්, තරහක්, සතුටක් වගේ ඕනෑම දෙයක්, හිතෙන දැනෙන දේවල් සියල්ල Facebook එකට post කරන්න වගේම අන් අය සමඟ අනවශ්‍ය ලෙස චැට් කිරීමෙන් හෝ පවසන්න එපා. උදාහරණ ලෙස ඔබේ දේශපාලනික , ආගමික, සංස්කෘතිකමය අදහස් අනවශ්‍ය ලෙස ලෝකයට විවෘත කරන්න එපා. කොටින්ම ඔබගේ පවුලේ අයගේ අඩුපාඩු හෝ රැකියා ස්ථානයේ අඩුපාඩු සහ ප්‍රශ්න පිළිබඳව කියන්න එපා. එමඟින් ඔබට තිබෙන ප්‍රශ්න වලට වඩා ප්‍රශ්න ඇතිවිය හැකිය.

එසේ නම් ඔබත් බලන්න Facebook භාවිතා කරවිට මෙවැනි දේවල් කරනවද කියල. එහෙම නම් අදම උත්සාහ කරන්න ඔබගේ ආරක්ෂාවට අවශ්‍ය පියවර ගන්න. Post එක වටිනවා කියලා හිතෙනවා නම් අනිත් අයටත් දැකගන්න share කරන්න.


Tim Berners Lee ගැන දැනගන්න

Thursday, February 15, 2018 /
අන්තර්ජාලය භාවිතා කරන ඔබ Tim Berners Lee ගැන දැනගන්නම ඕන. ඒ නිසයි මේ Tim Berners Lee ගැන ඔබ දැනගත යුතුම වැදගත් කරුණු රැසක් මේ ගේන්නේ.






අපේ Facebook page එකටත් like එකක් දාලා මේ post එක යාලුවන්ටත් දැනගන්න share කරන්න.